Aaj Phir

Aaj phir na jaane kahan se chipta chipata
mujhe mere school wala pyar yaad aaya
bada happening sa tha
kuch alag si feeling wala
kabhi alag na honge types
senior bhaiya ki pehli mohabbat
meri school junior ka serious wala banda

ek din kahin baithe baithe usko door se dekha tha
house t-shirt mein akele akele lahra rahi thi
phir voi t-shirt mein hamare annual day par mili
bhaisaab khade khade kya bezzati mari thi

phir ptm pe mili to baith ke mera haath pakad liya
uske boyfriend ko maine use meri behen bataya tha
uski ajeeb si life ki majboor si aankhon pe
iss 'ye hamare school ke headboy' ka dil bhar aaya tha

yaar hasi gajab thi aur bada haq se naraz hona janti thi
apni bechain ankhon se usne mera dil pighla diya
ghar poncha bhi nahi ki mummy ne bataya
tere liye kisi ladki ka phone aaya tha

arre ladki nahi aafat thi vo koi toofan jaise
sab aadatein badal di sab khwab palat diye
mujhe jhelne lagi mujhe smbhalne lagi
vo khud itni uljhi mujhe suljhane lagi

apna kya hai, apne to bacche hain
pyar se do baat kya karlo hamko attachment ho jata hai
apki aawaz sunne ke liye phone kiya hai question to bahana tha
itna sunn ke gravity constant uski taraf badh jata hai

phir ek shaam uska call aya,
teen ghante se mila rahi thi apka phone mil nahi paya
maine bhi usko ek gaana sunaya -
Jodi Thor Dak Shoone Ko Na Ashi Tobe Ekla Cholo Re
usko shayad smjh nahi aaya - 
phir usne proposal ka bada bam mere par giraya
boli - main apse bohot pyar karti hoon
Abhishek Mishra i love you main repeat karti hoon
ab koi mujhse na pooche uss waqt mera haal kaisa tha
macchli ko paani nahi tha, ekdumm se jharna mil jaye aisa tha
arre laakhon karodon ampere ka current mere transformer se guzra tha
jo fata so fata, parkacchon mein uss shaam mera pehla pyar panpa tha! 



diwali pe usne card banaya mere liye, vo diya vo writing
maine bhi bade pyar se baat faila di
toh school aur ghar mein maano aafat si la di!
teacher se leke principal tak har koi tanj kas raha tha
zamana aankh milaye na milaye peeche khada hoke har insaan has raha tha
mujhe bachpan se hi ladai ka bada shauk raha hai
phir sahi galat ki jung mein hamne galat kahan saha hai
mera sahi mera pyar tha meri ishu thi apna pagalpan tha
badhti kareebi aur ishq ke wajan se jhuka mera sarr tha

maine maar bhi khayi ghar pe dando se pyar mein
mazak bhi bana izzat bhi gavai yes sir yes maam ke bazar mein
jab haddiyan dard kar rahi thi baap ke dande ki maar ki
ik naam usi ka muskra kar le raha tha pyar mein

kuch yun mila tha vo mujhe kuch aisa apna pyar tha
kuch aisi meri dillagi kuch aisa mera pyar tha
uske jaane ke kisse gharon gharon mein jo huye mashoor hain
mai bol deta hoon thi jannat jab sang uska pyar tha